Nýfallinn dómur Hæstaréttar, sem fjallaði um hvaða vextir skuli gilda um ólögleg gengistryggð bílalán, hefur dregið úr óvissu sem ríkt hefur um þann lánaflokk, en honum tilheyra bílasamningar, kaupleigusamningar og einkaleigusamningar, allir með gengistryggingu. Í framhaldi dómsins boðaði efnahags- og viðskiptaráðherra lagasetningu en ekki er ljóst á þessari stundu hvað sú lagasetning mun fela í sér, sérstaklega ekki til hvaða flokka erlendra fasteignalána þeim er ætlað að ná til. SPRON getur ekki brugðist við fyrr en ljóst er með hvaða hætti lögin gera ráð fyrir að lán breytist en mál þessi verða tekin til skoðunar þegar niðurstaða liggur fyrir.

Í héraðsdómi hafa fallið tveir úrskurðir í málum varðandi fasteignaveðlán í erlendum myntum. Úrskurðum þessum verður skotið til Hæstaréttar. Þess er vænst að niðurstaða Hæstaréttar muni greiða úr álitamálum varðandi þessa tegund erlendra skuldabréfalána, en fyrri dómar Hæstaréttar um gengistryggð lán vörðuðu bílasamninga.

SPRON mun áfram að bjóða viðskiptavinum sínum upp á greiðsluúrræði á meðan óvissa ríkir um þessi mál. Hvetjum við viðskiptavini til að nýta sér úrræðin og beinum við sérstaklega athygli viðskiptavina að kr. 5000 af hverri upprunalegu milljón úrræðinu. Sjá nánar hér.