Einstaklingum með íbúðalán hjá SPRON sem hafa verið endurreiknuð býðst nú að greiða af lánum sínum með föstum greiðslum en þær nema 5.000 krónur af hverri upprunalegri milljón lánsins. Óvissa er um fordæmisgildi dóms Hæstaréttar frá því í febrúar og ljóst að einhvern tíma mun taka að eyða þeirri óvissu. Þangað til gefst lántökum SPRON kostur á að breyta mánaðarlegum afborgunum sínum með þessum hætti.

Eingöngu er hægt að óska eftir föstum greiðslum á ógreidda gjalddaga láns. Ef óskað er eftir að næsti gjalddagi verði föst greiðsla þarf að gæta þess að gjalddaginn sé ekki greiddur t.d. með sjálfvirkri skuldfærslu í greiðsluþjónustu. Afskrá þarf sjálfvirku skuldfærsluna áður en skuldfærslan á sér stað.

Sækja þarf um fastar greiðslur hjá Arion banka.