Skilanefnd auglýsti í gær eftir aðilum sem hefðu áhuga á eigum SPRON og hafa yfir 200 aðilar sent inn fyrirspurnir og lýst yfir áhuga. Ekki var um tilboðsfrest að ræða heldur eingöngu frestur til þess að lýsa yfir áhuga á kaupum. 

Fyrirspurnunum má skipta niður í eftirfarandi flokka:

1)Dótturfélög og útibú
2)Stærri eignir (fasteignir, fasteignaverkefni og  eignarhlutir í öðrum félögum)
3) Lausafjármunir (tölvubúnaður, skrifstofubúnaður, bifreiðar, listmunir og fleira.)

Sú vinna sem nú stendur yfir snýr að athugun á fýsileika þess að selja verðmæti sem tilgreind eru í lið 1 hér að ofan.  Á annan tug aðila hafa lýst yfir áhuga á þessum eignum SPRON.  Verið er að vinna úr innsendum fyrirspurnum og útbúa söluupplýsingar sem áhugasömum aðilum verður gefinn kostur á að kynna sér og verður unnt að senda inn formleg tilboð í framhaldi af því.   Skilanefnd leggur áherslu á að ferlið verði eins gagnsætt og framast er kostur. 

Engin ákvörðun hefur verið tekin um sölu stærri eigna SPRON og lausafjármuna, en stærsti hluti fyrirspurna varðaði þessar eignir. Ákvörðun þar að lútandi verður kynnt opinberlega síðar.